Жорий йил 30 май куни Тошкент давлат стамотология институти биносида «Авлиё ота Лука (В.Ф.Войно-Ясенецкий)нинг маънавий мероси ва тиббиёт ривожига қўшган ҳиссалари» мавзусида VIII илмий-маърифий ўқиш ва «Авлиё Лука – табиб, устоз, руҳоний» мавзусида кўргазма ташкил этилди. Тадбирларда Россия Федерациясининг Москва, Санкт-Петербург, Архангельск, Тамбов, Симферополь, Иваново, Бельгия Республикаси, Беларусь Республикаси, Қиргистон Республикаси вакиллари ҳамда Ўзбекистон Республикасининг турли вазирликлар ва идораларининг вакиллари иштирок этишди.

 Ўзбекистон Кинофотофоно ҳужжатлар миллий архиви директори Алижон Махкамов тиббиёт профессори, хирург олим В.Ф.Войно-Ясенецкийнинг (1877-1961 йй.) ҳаёти ва меҳнат фаолиятига оид архив манбаларининг аҳамияти хусусида илмий маъруза қилди.