Bugun Germaniya Respublikasi Dyusseldorf shahridagi Genrix Geyne nomidagi universitetining Sharqiy Yevropa mamlakatlari kafedrasi o‘qituvchilari va talabalaridan iborat delegatsiya O‘zbekiston Kinofotofono hujjatlari milliy arxiviga tashrif buyurdi.
Mazkur arxiv faoliyati bilan talaba yoshlarni yaqindan tanishtirish, hujjatlardan foydalanish spektrini kengaytirish maqsadida O‘zbekiston-Germaniya Respublikalari o‘zaro madaniy aloqalari tarixi haqida kinoxronikalar namoyishi va “Nemis shoiri Genrix Geyne ijodi haqida” mavzusida bosma adabiyotlar va fotoko‘rgazmasi o‘tkazildi.
Ekskursiya va fotoko‘rgazma tashrif buyurgan mehmonlarda katta taassurotlar uyg‘otdi.
Shuningdek, ekskursiya yakunida muhokama va munozaralar, savol-javoblar tashkil etildi hamda ishtirokchilarga esdalik sovg‘alari taqdim etildi.